Ask For Alonzo (蓮花宮西街)

营业中

休息中

周末同朋友聚一聚，谂起曾经有朋友推荐过依间餐厅嘅tiramisu，前一日订位今日就黎试下喇~.Fried Calamari hkd108酥炸鱿鱼嘅摆盘几靓，鱿鱼都几弹牙，炸浆亦唔会太厚，但就无乜味道，只能够靠柠檬汁同他他酱增加风味，有少少可惜~.Beef Carpaccio hkd148牛肉刺身切得好薄，入口几淋，加埋火箭菜同黑松露酱，味道偏淡.Breakfast Carbonara hkd168最期待嘅卡邦尼意粉！将蛋黄整烂连埋意粉搅匀之后，会闻到香浓嘅蛋黄味，每条粗意粉上面都沾满咗蛋黄浆同芝士碎，加埋咸咸脆脆嘅烟肉一齐食，味道唔错💕.My Auntie's Toast hkd108原来系一份蓝莓西多士，面包几松软唔算太油.Alonzo's Signature Tiramisu $108提拉米苏有分单人份或者多人份，口感软滑，但系酒味偏酸，同平时食到嘅tiramisu 品尝到嘅酒味唔一样喔.Remark: 订位时已经book咗3位，但系去到只系安排坐2人台再额外加1张凳，未点餐前见到啱啱好有张吉嘅4人台(2张2人台合并)想调位，但系侍应话已经有人留咗位，但其实我地都有订台，佢都系唔肯