仙滿堂

营业中

休息中

早两日同老婆喺沙田新城市广场行街，行行下老婆话口痕好想食甜品，行左阵见到一间叫［仙满堂］嘅糖水舖系食台式甜品嘅，老婆话想试下，于是就攞飞等入座，入座后安排左一张二人枱，现场环境地方虽然唔算好大，但新装修好企理坐得舒服嘅，Menu都有好多款选择，我哋最后拣咗个招牌豆腐花(冻)同埋招牌麻薯牛角包窝夫配3.5牛乳雪糕，落单后隔咗一阵先上左个招牌豆腐花，个豆腐花卖相唔错，啲芋圆、珍珠、红豆、白玉，舖满哂喺面非常之足料，食之前完全见唔到啲豆腐花，但原来豆腐花先系重点一食你就知好有豆香，至于个麻薯牛角包窝夫，先讲个窝夫先做得好松脆唔会食到好油腻，我老婆好钟意食cream啲cream嘅份量多到完全冚住哂个窝夫，麻薯都好食，牛乳雪糕够香滑正常水准，总结呢间［仙满堂］整体食物质素好，店员服务都唔错， 呢间绝对有下次