影片
更多
2024-03-06
46 浏览
今日同朋友去咗修顿睇波，睇完差唔多天黑，就谂吓不如食埋晚饭先返屋企。行行吓就见到呢间食台湾嘢嘅舖头江门面装修都几靓，所以就入去试吓。一坐低就俾佢个三宝系列吸引咗，二话不说就叫咗个台湾牛肉面，同埋台湾炸卤排骨饭。我朋友对台湾香肠情有独钟，所以再额外加咗一个小食叫最佳拍档。见到佢啲饮品卖相都几靓，所以一人再加咗一个嘢饮。我叫咗白桃乌龙茶，我个friend就叫咗乌龙奶茶。第一个嚟嘅系牛肉面，佢个台式牛肉十分之腍，啲肉嘅质地亦都唔会好嚡，咬落去系唔会黐牙嘅。如果汤嘅味道亦都刚刚好，唔会太咸。个生菜就普普通通啦，个萝卜系属于有咬口嘅萝卜，重点系冇根！个面嘅质地亦都恰到好处，唔会太软。好快过炸卤排骨饭亦都嚟咗。个排骨嘅卖相好靓，亦都唔孤寒。佢同一般嘅酥炸排骨有啲分别，唔会想炸粉炸到好硬。个排骨炸完亦都唔会干争争。食到半好过小食都嚟咗。佢个香肠系有啲细细块嘅蒜片配住，夹埋一齐食有少少辣嘅感觉，好惹味。而佢个盐酥鸡翼都炸到10分香脆，佢个炸皮好似薯片咁样，唔系斋硬嘅脆系酥脆。一路食一路饮嘢，佢个珍珠奶茶啲珍珠极多，好似有两层珍珠咁。落单嘅时候，特登叫咗少甜少冰，所以个奶茶饮落唔会太甜，啱晒我。而朋友嘅
一坐低就俾佢个三宝系列吸引咗，二话不说就叫咗个台湾牛肉面，同埋台湾炸卤排骨饭。我朋友对台湾香肠情有独钟，所以再额外加咗一个小食叫最佳拍档。见到佢啲饮品卖相都几靓，所以一人再加咗一个嘢饮。我叫咗白桃乌龙茶，我个friend就叫咗乌龙奶茶。
第一个嚟嘅系牛肉面，佢个台式牛肉十分之腍，啲肉嘅质地亦都唔会好嚡，咬落去系唔会黐牙嘅。如果汤嘅味道亦都刚刚好，唔会太咸。个生菜就普普通通啦，个萝卜系属于有咬口嘅萝卜，重点系冇根！个面嘅质地亦都恰到好处，唔会太软。
好快过炸卤排骨饭亦都嚟咗。个排骨嘅卖相好靓，亦都唔孤寒。佢同一般嘅酥炸排骨有啲分别，唔会想炸粉炸到好硬。个排骨炸完亦都唔会干争争。
食到半好过小食都嚟咗。佢个香肠系有啲细细块嘅蒜片配住，夹埋一齐食有少少辣嘅感觉，好惹味。而佢个盐酥鸡翼都炸到10分香脆，佢个炸皮好似薯片咁样，唔系斋硬嘅脆系酥脆。
一路食一路饮嘢，佢个珍珠奶茶啲珍珠极多，好似有两层珍珠咁。落单嘅时候，特登叫咗少甜少冰，所以个奶茶饮落唔会太甜，啱晒我。而朋友嘅白桃乌龙配咗啲蒟蒻粒。啲蒟蒻粒好爽脆，配上个白土乌龙茶甜甜地，好似食紧个甜品咁，个体验几唔错。
今次随心揾嘢食好成功，佢地点就脚，味道又好食，相信下次经过附近都会介绍呢间餐厅俾朋友食。
张贴
