Ann Mamma Thai kitchen by 張秀玲

营业中

休息中

今日约咗个好耐冇见嘅朋友一齐食好西，咁就拣咗呢间高人气嘅泰国菜馆，唔想排队今日就十一点几就已经去到门口，其实都已经见到有几个人喺度排紧队，一开门我哋就入去上咗二楼，无几耐已经无空位，要等位了。睇咗餐牌之后，叫咗个2个午餐，黄咖哩牛腩饭同猪泰式烧猪颈肉饭，额外仲叫咗两个串烧小食。泰式猪颈肉饭猪颈肉外皮烧得好香，里面仲有一啲肉汁，唔会好干好柴，而佢配咗个酸酸地嘅辣汁夹埋一齐好好食，可以减轻猪颈肉嘅油腻。黄咖哩牛腩饭黄咖哩唔算太辣，有好香嘅椰奶味，牛腩食落去唔会太韧配埋个白饭刚刚好。鸡肉猪肉串烧串烧亦都烧得刚刚好，肉唔会烧到太干，里面仲保留有够嘅肉汁，个沙嗲酱好重花生味，配串烧一齐食，啱啱好，一流。