御希大排檔

营业中

休息中

今日放假约朋友去佐敦行街，行到有啲攰谂住喺附近揾嘢食，行到吴松街见到有大排档味道好香好吸引，即刻入去试下。御希大排档，完全系港式风情，虽然坐喺临时熟食档但系感觉好舒适。坐低第一时间点支大蓝妹，冰凉畅快。白灼花螺，花螺肉质爽口鲜甜，唔需要其他调味，净系食花螺嘅鲜味好足够。炒蛏子，蛏子size虽然唔大，但系味道好鲜甜，用大排档嘅炒法，够晒火喉。火喉控制得啱啱好，蛏子特别嫩滑，香口鲜甜送啤酒一流。炸乳鸽，乳鸽肉质嫩滑，乳鸽皮炸香脆，一啖咬落去入面仲系好juicy。豉汁蒸仓鱼，呢个仓鱼简直冇得顶，鱼肉嫩滑，豉汁辣椒完全融入咗鱼肉入面，食落去啖啖肉又香口有嘢味。配埋白饭真系又开胃又好味。喺香港而家好少见到大排档，必定会经常帮衬，价钱合理食物质素好。