莆田 (美麗華廣場2期) (已結業)

莆田呢几年好像好红，开咗唔少店，虽然我本身唔太喜欢咁样嘅菜色，即系睇上去好似淡茂茂冇乜味咁，但试过之后发现原来都几好味，唔怪之得攞到米芝连。今期见到蛏子个广告，阿妹话想试，于是乎又要陪食啦😅佢话盐焗好味，不过我就反而钟意清蒸，加埋蒜蓉同豉油，够味之余仲食得出鲜味。d蛏子虽然唔大只，但只只都好肥，好饱满。另外叫咗两个饼，配上洋葱炒牛肉，好好味，个饼劲脆劲香口。当时应该加多2个🤣我哋仲叫咗个午市套餐，面同小食，苦瓜好靓，略带清甜，卤面都好好味。整体好满意。另外，阿姐有帮我哋换碟，同埋问我哋啱唔啱口味，服务几好。