意粉狂熱 (皇室堡) (已結業)

圣诞节就到，商场都有美丽的圣诞装饰，今晚同囡囡去皇室堡影小马宝莉，影完就到二楼嘅pastaholic 食晚饭。囡囡向来钟意饮沙冰之类嘅冻饮，但系我嫌唔健康，天气冻又唔想女女饮冻嘢，于是叫咗日本豆乳香蕉混合果昔，系纸包饮品，平时餐厅好少见 ，味道都几啱小朋友。 小朋友钟意食香口食物，我就点咗日本有机蕃薯条配蜜糖，蕃薯条香甜脆卜卜，配蜜糖色非常美味，忍唔住一条接一条，囡囡差唔多独霸呢碟菜式。我哋仲叫咗意式薄切三文鱼忌廉芝士卷，三文鱼刺身新鲜，包著忌廉芝士，香浓美味。小朋友最后一定要食甜品，叫咗日本牛乳布甸，有牛奶香味，甜甜地，小朋友一定钟意。我就拣咗意大利芝士饼，咖啡味同酒味均衡，味道几正宗！