阿爺燒鵝餐室 (已結業)

反正去到西湾河，就系呢度买埋呢度驰名嘅烧鹅返屋企孝敬家人。呢间阿爷烧鹅餐室喺西湾河都几出名。知道阿妈未食晚餐，咁我就买咗一碗烧鹅濑（$50）比佢。另外买咗$60烧叉骨同埋$40嘅油鸡。呢度非常之好服务，烧鹅濑个汤同埋啲粉系分开装嘅，所以啲粉唔会浸系汤到发涨晒。烧鹅系髀位，肉质嫩滑，仲漂来阵阵烟熏味。一打开盒烧叉骨，啲蜜糖香味即刻漂晒出嚟，个样烧得好靓，望到都流晒口水。呢盒油鸡性价比都几高， $40来讲真系超大盒，系下庄所以都系非常鲜嫩嘅鸡髀。