影片
更多
2022-05-27
4790 浏览
家后已经想食咗好耐好耐，喺深水埗应该好多人都识，驰名饺子同埋佢哋自家制家庭式嘅芝士蛋糕，食过嘅人都赞不绝口，重点系价钱相宜，除咗街坊，喺深水埗返工嘅人，好多专登好似我咁样喺其他地区住嘅人都会特登嚟朝圣👍🏻👍🏻我今日11:30就去到，刻意避开咗午餐嘅人潮，一早已经睇定餐牌可以即刻叫得，叫咗好多嘢食，又俾人问究竟我系咪食得晒😎，等候期间，每1分钟就有客人买芝士蛋糕或者饺子，真系好疯狂，老板都有讲，芝士蛋糕即日买完就冇，所以食唔食到都就要碰运气，当然都可以提早预订🥟🥟▪️双拼煎饺 $ 44洋葱猪肉饺 / 芫荽猪肉饺饺子都系新鲜即包，我见到有两位员工好似摩打手咁不停喺度包饺子，可想言知有几新鲜，当然系即叫即煎，皮薄馅靓，外皮煎得超香超脆，洋葱猪肉饺食到粒洋葱嘅爽脆，猪肉新鲜，好多汁，另外我最爱嘅芫荽饺，好多芫荽包住猪肉，好好食🤩🤩🍲▪️家后鲜大肠羹 $ 38大碗到一个点，两个人都够食，馅料好多，有大肠，猪肚，猪红，木耳丝，肉丝，豆腐，芫荽，汤头非常浓郁鲜味，大肠同埋猪肚好有咬口，非常好味又饱肚🍗▪️日式炸鸡 $ 27传统嘅日式唐掦炸鸡，大大件新鲜即炸，外皮松脆，鸡肉滑滑，点埋酸甜汁一齐食，正正🍙▪️日
家后已经想食咗好耐好耐，喺深水埗应该好多人都识，驰名饺子同埋佢哋自家制家庭式嘅芝士蛋糕，食过嘅人都赞不绝口，重点系价钱相宜，除咗街坊，喺深水埗返工嘅人，好多专登好似我咁样喺其他地区住嘅人都会特登嚟朝圣👍🏻👍🏻
我今日11:30就去到，刻意避开咗午餐嘅人潮，一早已经睇定餐牌可以即刻叫得，叫咗好多嘢食，又俾人问究竟我系咪食得晒😎，等候期间，每1分钟就有客人买芝士蛋糕或者饺子，真系好疯狂，老板都有讲，芝士蛋糕即日买完就冇，所以食唔食到都就要碰运气，当然都可以提早预订
🥟🥟▪️双拼煎饺 $ 44
洋葱猪肉饺 / 芫荽猪肉饺
饺子都系新鲜即包，我见到有两位员工好似摩打手咁不停喺度包饺子，可想言知有几新鲜，当然系即叫即煎，皮薄馅靓，外皮煎得超香超脆，洋葱猪肉饺食到粒洋葱嘅爽脆，猪肉新鲜，好多汁，另外我最爱嘅芫荽饺，好多芫荽包住猪肉，好好食🤩🤩
🍲▪️家后鲜大肠羹 $ 38
大碗到一个点，两个人都够食，馅料好多，有大肠，猪肚，猪红，木耳丝，肉丝，豆腐，芫荽，汤头非常浓郁鲜味，大肠同埋猪肚好有咬口，非常好味又饱肚
🍗▪️日式炸鸡 $ 27
传统嘅日式唐掦炸鸡，大大件新鲜即炸，外皮松脆，鸡肉滑滑，点埋酸甜汁一齐食，正正
🍙▪️日式住家饭团 $ 16
家的味道，调咗味嘅饭团，加咗牛蒡丝少少肉碎
简单又好食
🍰▪️开心果芝士蛋糕 $ 33
芝士蛋糕质感好细滑，好钟意呢个口感，开心果味细致浓厚，而且一啲都唔甜，100分，终于知道点解咁多人钟意食，其实我仲想食多一件原味，但系今日实在太饱😂😂😂
☕️▪️乌龙茶 $ 10
食咗咁多嘢，都要饮番杯茶解解渴👐
✨一定会再回访的小店，好喜欢这里的煎饺子和芝士蛋糕，平民价钱，质素超高，唔识就笨✨
🏛家后
📍深水埗基隆街211号地舖
张贴
