七月餐室 (已結業)

有时唔想煮饭，就会喺屋企附近嘅冰室食嘢。呢间冰室味道一流，价钱都唔贵。我哋见到下午茶时间唔少人叫「漏奶华」下午茶餐，$38有份流心多士，仲包一杯热饮☕️。谂谂下都系试下「宇治抹茶漏奶华 」。多士大大件，有抹茶酱、红豆馅仲有大大片牛油。一上枱仲好热，牛油好快溶。呢件甜品几香，又唔系好甜😀。老婆拣咗份七月金砖虾多士，一切开估唔到有劲多虾胶，好鬼弹牙好食。老婆都觉得几抵食😋。见佢仲有唔少小菜同星马印度菜选择，连咖喱🍛都有好多唔同款式。下次先试下😍。