小杬館食坊 (已結業)

今晚跟一班老朋友食饭叙旧, 呢间小杬馆系为食友嘅饭堂, 佢喺组群成日都推介比大家, 今晚终于嚟一试, 睇系咪真系咁好食先。食店系旧式饭店, 装潢比较老饼, 不过都预咗。但佢地既美食多到呢……….除咗家常小菜, 小阮还供应鲍参翅肚等贵价菜.企鹅鸡 ($198/一只）话说订位时服务员问我订唔订鸡同埋乳猪, 订了一只鸡后便告诉朋友订了一只钢管鸡, 嚟到先知原来叫企鹅鸡, 不过呢只鸡我见大部份食客都有叫, 应该系好嘢。烧好的鸡会先给客人看一遍才切件, 热辣辣真系烧得好鬼香。果然冇介绍错, 企鹅鸡烧得皮脆肉嫩, 薄薄的一层鸡皮, 够脆口, 皮下脂肪几乎系零, 鸡肉腌过才烧, 咸咸香香, 嫩滑有肉汁, 好味。潮蚝仔烙 ($88) 蚝仔够新鲜, 好鲜甜, 下得又够多, 蛋粉都煎好香滑, 蘸少许鱼露食更添鲜味。啫啫芥兰煲 ($78)用虾膏、虾米爆到香喷喷才上台, 咸香惹味。潮州糖醋面呢个双黄面就好一般, 外面唔够脆口兼油左啲, 撒少许白糖及醋。 流沙包 ($25/三个)呢个又系我指定要叫的甜品。奶黄酱极度流沙, 奶黄香甜又滑溜, 唔太甜腻, 好食。菊花蛋散 （送）问服务员有冇糖水送, 佢好豪爽咁话..