頹飯 (已結業)

上星期去利源东街买野经过见到呢间外卖店个名好搞笑，叫"颓饭"但又好多人帮衬，门口贴左menu，望下个价钱唔贵就谂住冇饭带果日黎买番个外卖试下!琴晚去街冇饭带于是就谂起可以黎买饭食啦~午餐有几个饭拣，我就拣左香煎去骨鸡腿饭配蕃茄汁。落左单要等一阵，等既期间望下店外d menu，店外仲贴左d杂志报导，原来我今次叫既香煎去骨鸡腿系即叫即煎既~我以为系好似平时d铺ABC餐一有order就夹俾你，咁新鲜整既等下都值得既!同埋上次经过立下眼都冇为意，原来有外卖app可以叫到呢度既饭，咁下次唔驶专登行过黎买。等左阵就有得拎，即刻番公司开餐~一打开见到蕃茄汁同个饭系分开装既~蕃茄汁用个兜仔装，份量好多!鸡腿去骨切件同白饭及青瓜系另一个饭盒度~咁就唔惊d汁浸住d饭同鸡腿浸到林哂~首先试下个鸡腿，份量都几足而且去左骨真系啖啖肉~鸡腿系一大块切左件，系office都可以斯文食，唔会食到好狼狈! 鸡皮煎得微焦好香脆又唔会油淋淋，鸡肉好嫩滑冇雪味!再试埋个汁，入面有蕃茄肉同洋葱丝~有齐蕃茄既酸味又有洋葱既香味，咸咸地，捞落鸡肉同饭度一齐食，真系食得好滋味一d都唔颓啰!食食下同事话闻到好香，跟住走左黎我个位叫我请