川燒 (已結業)

一路以来我都觉得食串烧又贵又唔饱，但既然这是一餐生日饭又是寿星选择就去一次吧... 一行数人先到达餐厅，从外看餐厅唔大而且坐位有点逼，当仲谂紧我地7人如果坐之际，店员就带左我地去另一条街既铺面，入面就只放左两张大枱完全是有自成一角既感觉，又唔怕嘈到人真好... 坐定定之后就立即叫野食，店员好好当我问一样佢就好清楚解释一样，由其是份量，因我地要好好计算，唔可以叫太多怕食唔晒，但最后唔觉唔觉都叫左廿几样野，所以到最后大家都食到'眼琼琼'... 但全晚最欣赏是以下哩几样.. (烧牛助骨，烧鳝，烧牛脷心，烧鱿鱼桶筒，川烧茄子，烧羊架，黑松烧腐皮露玉子，烧笋壳鱼，芝士捞面，蜀都炒饭，烧芝士年糕同烧汤圆)， 整体黎讲食物味道唔错，价钱又唔算太贵，所以值得推介。