麻辣風雲 (荃碧大廈) (已結業)

假日约咗朋友喺荃湾食饭，我话想食啲「香口」食物，朋友就带咗我嚟呢间餐厅，听个名都觉得有啲香口同刺激😆叫咗$148嘅「干锅鲍鱼」，用一只镬上，下边放个小火炉，热辣辣兼香喷喷；鲍鱼煮得软熟但系又有啲咬头，干锅里面仲有好多材料，包括莲藕片、红辣椒、青辣椒、蒜头、煎香咗嘅姜片、京葱、芹菜、同埋大量香料，全部食起嚟都非常惹味😋，鲍鱼沾上干锅里浓郁嘅汁液，更加好味😋$98嘅「口水鸡」，叫咗小辣。味道少少麻少少辣，鸡肉软滑，又系好香口😋$88嘅「猪油渣炒莴笋」，莴笋新鲜爽脆；猪油渣而家唔系好多地方有得食，配莴笋一齐炒，都系非常香口美味😋呢餐绝对满足到我要「香口」嘅要求，朋友拣得好😁