Cafe Charm's (已結業)

好耐无见既中学同学相约红磡食饭聚旧，即想到想黎CAFE CHARM'S 。因为两个人食量都唔系好大所以都系叫左野一齐分享一下。鹅肝和牛汉堡($156)系云云咁多食品当中，见到呢个鹅肝和牛汉堡，即刻想叫黎试下，估唔到鹅肝都可以用黎做汉堡。上枱真系无失望，鹅肝厚得夸张，表面一层亮丽既油相当吸引人，令人食指大动，底下仲有一层厚厚既芝士包住一块好厚既和牛，用料真系好足。咬开面包都十分松软加上鹅肝软淋同浓烈既味道，真系好吸引人，底下仲有和牛，牛味好重配合鹅肝好似两种味系口到交流。士多啤梨古窝夫($76)卖相十分吸引，外形并唔似平时食既长方形，师傅系每个小圆唧上cream又以士多啤梨放好在上层再加上雪糕，真系见到都想食。窝夫外皮脆脆但内层十分软，加上雪糕同士多啤梨酱，食完真系觉得好满足，又唔会太甜。SOMERSBY CRUSH($68)想试呢款饮品好耐，终于揾到机会饮下，苹果油加上菠萝同埋柚子，甜甜地又酸酸地，令到酒精味无咁浓，好易入口，完全唔觉得系饮紧酒，食完浓味食物再饮下呢杯野可以清清口腔，口味十分清新。士多啤梨冰沙(46)冰沙好幼滑同埋有好浓郁既士多啤梨味，唔会饮到一粒独立无味既冰粒，上面一