新大利粉麵茶餐廳

营业中

休息中

好耐无星期六咁早起身，而妈妈又得闲，所以就决定落街食早餐。平时都系食麦皮，但妈妈竟然叫我去新大利食，真惊奇，佢一向唔buy茶记。新大利最多人叫嘅系沙爹牛肉面，公主我必叫，最紧要系配太阳蛋。面系公仔面，好有茶记feel。牛肉系普通料，而沙爹汁唔辣偏甜系佢嘅特色，细细个开始食到依家，味道依然无变。另外佢用嘅蛋好够味：蛋黄味好香浓，公主我会用嚟捞面食，非常香；蛋白煎到个边好香脆，食落好蛋白质味。咁多年嚟佢都无装修过，企收银嘅大叔依然中气十足，「领导」班楼面所以啲阿姐落单送餐执嘢速度超快。公主我每次嚟食都好满足，新大利嘅环境、大叔、食物味道都令我想起已在天上嘅亲人，佢以前带我去食早餐必嚟呢度，所以去新大利食嘢对公主我有好特别嘅意义。希望新大利继续为沙田友带嚟想当年回忆中嘅味道。