Deer Kitchen (荃新天地) (已結業)

公司附近有一间以森系嘅打咭餐厅，都未去过，今日无甘忙，打算同同事去食下，打下咭。一个以绿色为主调嘅森系餐厅，环境非常舒适自然，俾人感觉好似置身于大自然之中。我哋叫左两个set lunch及两杯特饮。 纽西兰草饲西冷配香浓烧汁西冷牛味浓，肉质鲜嫩多汁，配上烧汁味道更香浓，非常好食。而配菜有惊喜，是紫薯蓉，非常之特别，而且很香甜。保云酥时令鱼·芝士焗帆立贝配黑松露忌廉汁鱼煎得香脆，尤其系鱼皮，煎到脆卜卜，鱼肉鲜甜，帆立贝表面焗得金黄酥脆，加上芝士同黑松露忌廉汁，味道浓郁而不腻，十分美味。饮品方面，我哋叫咗热抹茶鲜奶同冷泡水果茶。热抹茶鲜奶好香浓，抹茶味浓郁。而冷泡水果茶清新怡人，水果味道鲜明，饮落好解渴。