G. Gallery (已結業)

自从转工后就好少再过荔枝角，但因为有朋友话想饮下酒吹下水，所以就拣左呢间免开瓶既G Gallery。 朋友们黎过好多次，不过小弟就第一次黎，入到去既感觉系：原来都几细间。不过细有细好，而且枱唔算多，倾偈拍拖系唔错。讲返食物，部分水准在预期之上，不过制作时间就长少少，如非饮住酒，都真系要斋等。 正餐前食个包先 沙律同火腿都唔错，食材新鲜。四个人分，份量刚好。 主菜方面，我个人最钟意个薄饼，料新鲜之余，焗得刚刚好，如果唔系一人一份，我自己可以食晒整个。至于块扒，个人觉得可以，属中等之作，未算好有惊喜。暂时仍较喜欢湾仔某西菜小店既扒。 墨鱼面，大路野，无惊无险，够干身。 最后一人一甜品，我自己要了拿破伦，质素中等以上，对得住价钱。