大公雞 (已結業)

今日陪朋友嚟新公司签合约，之后就系佢公司附近呢个商场揾野食。呢个商场都几多餐厅，最后拣左呢间台式餐厅。叫左四宝手工面，有鸡翼牛筋牛腩猪大肠,仲要咗个台式半筋半腩饭。跟住就拣咗两个小食分别系椒盐鱿鱼须同埋宝岛盐酥鸡，饮品点左仙草奶茶同奶盖奶茶。首先是四宝手工面最快做好个汤底闻起嚟已经好香亦都好有古早味道，牛筋，牛腩，猪肠亦都炆得好腍，鸡翼好入味，佢个面条非常弹牙qq，好好味，价钱（$65）超值！另外个半筋半腩饭，牛筋炆得够淋但仍然有一定嘅弹牙口感，牛腩又系入味得嚟唔会炆耐到鞋口，份量好多，好食！宝岛盐酥鸡好正宗系台湾𠮶种味道，外皮酥香入面鸡肉嫩嫩。个鱿鱼须有啲似港式不过都好好味，外皮炸到薄脆入面嘅鱿鱼弹牙，爽爽，阵椒盐味好香！两杯茶饮同出面台式饮品店嘅品道一样，仙草份量都好多，奶茶又好够茶香，好饮！