Alvy's (已結業)

作为一间主打啤酒嘅酒吧，佢嘅食物都相当好味😋叫左个二人餐腐乳凯撒沙律呢个凯撒沙律，最初都担心腐乳味太突出，点知整体感觉几惹味又唔会太抢。而且凯撒沙律嘅罗马生菜好爽脆，上面有好多蜜汁叉烧粒，仲有食粥会配搭嘅薄脆！好少见到呢种配搭，但出奇地好味😋威士忌烧烤炸鸡翼一碟四只鸡翼用烧烤酱加少少威士忌整成，配姜蓉酸忌廉和两条西芹。鸡翼相当入味，适合作为配啤酒嘅小食。招牌肉丸两粒大粒嘅肉丸上面有芝士，里面有猪肉同牛肉，肉嘅比例唔会太肥，口感不错。白鬼叉烧姜葱叉烧pizza 呢个Pizza绝对系中西结合嘅表表者，唔知系唔系厨师好钟意食中式姜葱叉烧饭，谂到将呢啲配料放喺pizza上焗。pizza上放左大量mozzarella cheese，再配埋好多姜蓉同香葱，仲有叉烧粒，加埋有几得意，亦都比用莎娜美肠更有新鲜感，唔错！不过两个人食都真系要努力做吓运动😆来到酒吧，当然要叫嘢饮。二人餐包两杯啤酒或两杯mocktails。我地点一杯Soda-licious 同一杯 Virgin Mojito。前者passion fruit 果味都好香，非常易入口；后者清新舒服。