串Grill 自助燒烤專門店 (譽發廣場) (已結業)

今日带老婆黎食串烧，自助放题串烧店已经买少见少啦，等我同大家推荐一下呢间啦。靓牛肉任叫任烧已经值回票价，而且质素都唔错，有齐哂唔同既烧烤粉，加落去真系好似去左内蒙古食羊肉咁。另外佢既坐位非常阔落，坐得好舒服。另外呢到可以烧绵花糖，重拾儿时回忆。同老婆一人一串，食得都真系好开心。仲有唔少得就系佢既烧台湾肠，好味到不得了，食左一条就忍唔住想食第二条第三条。总体而言，呢间质素都系唔错，值大家黎一试，同朋友一齐食，重拾回忆。