翠園 (新都城中心二期)

营业中

休息中

自从美国白金咭优惠缩小左之后，都已经有一段时间冇呢一间酒楼食饭，佢以前一直都好好，我哋差唔多每个星期就去食，今日夜晚走去食饭，六点钟入去，个场唔系好多人，我哋比安排喺最角落头嘅四人枱，可能见我哋有小朋友，想我哋坐埋一角角落唔好骚扰到其他人，不过我哋点餐嘅时候举手举左好耐，不停嗌人都冇人理我地。我哋有小朋友，所以唔系叫好多嘢食，我哋叫咗个姜葱叉烧捞面，一个例汤，一客蒸班头腩。上菜嘅时候，有个侍应分紧汤，个传菜亚姨就咁大叫我用手接住碟捞面，真是好地道大牌档风味好有人情味，我争啲要流着行眼泪多谢佢畀我有份参与的机会，侍客合一的境界。回过神看一看个捞面，和网购的感觉一样，照片只可作参考，它跟照片相似度有百分之十，就是有面，叉烧碎碎的已经看不出来，被满满的鼓油汤盖过。吃一口，嘴里只有浓浓酱油及姜味，忽然很想到九龙城粉面档走一转，那𥚃才知道甚么是正宗姜葱捞面，就是让客人自己捞，和照片上的一样，多姜少姜自己话事，忽然又想起电视上的广告「等等，要同唔要，由我话事」。到蒸头腩上枱的时候，味道算是可以，只是鱼块可能放了很久很久很久很久很鯹，仔女吐了出来，因为未打好鳞，还有很多鳞片跟在一起。