翠華冰廳 (已結業)

系荃湾大坝街4-30号荃湾广场3，有间翠华冰厅。冰厅装修的光鲜，有一个开放式厨房，又有新鲜出炉面包，确实比一般普通茶餐厅更有时代感。落单时可以用QR code自助落单，而且亦可叫职员帮手落单，非常简单方便及新颖。午餐想食得轻盈，嚟一个「食light 啲啲。常餐」， 仿鲍鱼丝通粉加火腿炒蛋牛油多士，配杯出名热奶茶。常餐一般食物质素及份量都好正常，味道不过不失，火腿及炒蛋都算ok，对女士嚟讲又健康及足够营养。热奶茶，够滑够香，有香浓茶味，奶味刚好，顺喉。另一个邪恶食品就系「厚餐肉啖啖滑蛋治」，一层一层叠起嚟，单睇都觉得，正!味道方面，餐肉都算厚身，煎得香口，滑蛋有鸡蛋香都算滑，面包软绵绵，很不错。推介新产品「雪雪浓滑丝袜奶茶冻」，果然比一般奶茶更香滑顺喉，而且仲有一层奶冻啫喱系底层，口感好创新。