茶湯會 (已搬遷) 新店位置

去到登打士街揾野饮，随时选择困难症发作，之前都比较多饮koi，最近多饮茶汤会，发觉佢地拿铁质素都唔错。旺角分店帮衬嘅人唔算多，始终选择多，所以每次都唔算等好耐。虽然通道比较逼、挤人，但刚巧佢地店面有个巷仔位取饮品，所以都唔会觉得自己阻住人。佢地嘅茶饮唔算好多选择，主要系奶茶、拿铁等，定价都系正常，不过我觉得佢地嘅饮品细杯少少（相对其他品牌）最出名应该系铁观音拿铁，上次我都已经试过，确实系茶味几重，今次试左翡翠拿铁，味道较为清新。里面嘅茉莉都系饮得出，但唔会好甜。质地比较薄身，所以唔会好腻。我今次冇加珍珠，因为我觉得佢地嘅珍珠比较细粒，争咁啲咬口。