影片
更多
2015-06-21
383 浏览
紫砂盅炖汤今晚重出江湖喇，梗系要 order 啦！热到攞唔到上手，好采厨房哥哥用布帮我放系拓盘度啫。记得以前用大盅架㖞，卖 $60 蚊，依定转左用细盅卖 $30 有找，如果跟蒸饭只系 $20 添，劲抵饮！原盅淮山杞子螺头炖鸡汤，个盅劲辣手呢！开呀，香气同白烟缓缓上升，索一索舒筋活络、闻一闻精神爽利！特浓鸡汤味道渗著微微海味既咸香，汤汁清彻有光泽，足料炖汤无得输。汤汁浓郁带少少浆力，甜美非常，螺头既清香留系齿缝间久久不散！舌头不停地打转，细尝每一滴精华！就算汤渣都好好味，螺头弹弹既质地，而且仍然螺味十足。鸡脚超腍滑溜又胶口，轻轻一啜即刻骨肉分离直冲肚底。豉椒凤爪排骨饭，几次黎帮衬都卖晒，实在抢手！今晚有口福，终于都捕获喇！香喷喷既饭香捞上清甜既自家豉油，包裹著软棉多汁排骨肉齐齐掉进口中，轻轻咀嚼著，香甜味美混为一体，好满足啊！叹完几口原味快感后，再捞埋我最喜爱的自家香辣辣椒油，惹味中带点震撼，根本美味！干爽咽韧饭粒、啖啖肉嫩滑入味排骨、清香不呛不涩靓豉油，无得顶啦！黑松露酱烧卖，早前试过蟹籽烧卖美味极致，依家只系换上黑松露酱啫，品质保证，绝无问题。豪气地成粒啪！虾爽肉弹，口感实在唔会散筲
紫砂盅炖汤今晚重出江湖喇，梗系要 order 啦！热到攞唔到上手，好采厨房哥哥用布帮我放系拓盘度啫。记得以前用大盅架㖞，卖 $60 蚊，依定转左用细盅卖 $30 有找，如果跟蒸饭只系 $20 添，劲抵饮！
原盅淮山杞子螺头炖鸡汤，个盅劲辣手呢！开呀，香气同白烟缓缓上升，索一索舒筋活络、闻一闻精神爽利！特浓鸡汤味道渗著微微海味既咸香，汤汁清彻有光泽，足料炖汤无得输。汤汁浓郁带少少浆力，甜美非常，螺头既清香留系齿缝间久久不散！舌头不停地打转，细尝每一滴精华！就算汤渣都好好味，螺头弹弹既质地，而且仍然螺味十足。鸡脚超腍滑溜又胶口，轻轻一啜即刻骨肉分离直冲肚底。
豉椒凤爪排骨饭，几次黎帮衬都卖晒，实在抢手！今晚有口福，终于都捕获喇！香喷喷既饭香捞上清甜既自家豉油，包裹著软棉多汁排骨肉齐齐掉进口中，轻轻咀嚼著，香甜味美混为一体，好满足啊！叹完几口原味快感后，再捞埋我最喜爱的自家香辣辣椒油，惹味中带点震撼，根本美味！干爽咽韧饭粒、啖啖肉嫩滑入味排骨、清香不呛不涩靓豉油，无得顶啦！
黑松露酱烧卖，早前试过蟹籽烧卖美味极致，依家只系换上黑松露酱啫，品质保证，绝无问题。豪气地成粒啪！虾爽肉弹，口感实在唔会散筲筲，添淡淡黑松露味，大爱！闲时系屋企都钟意用黑松露酱配刺生、捞面、炒蛋、配汤，正。
鹌鹑蛋烧卖，早前都试过，但卖相麻麻、皮太厚、味淡、蛋硬实、唔够热。见您今日咁靓仔，比多次机会您啦！卖相吸引，白里透红，皮薄馅靓，紧紧抱住蛋同肉，see through 隐约可见。索一索，清香猪肉味，仲等咩呀？食左先讲啦！肉球弹牙又多汁，撞上甘香鹌鹑蛋，结合得淋漓尽致，good 呀！同上批师傅既出品有过之而无不及，赞！encore！
四宝鲜淮山鱼肚鸡扎，同样都系 re-test，上次质数味道只属一般，依家新人事新作风，试吓咩料先。净讲卖相已赢成条街，卷得紧密整整齐齐，靓！闻得到浓厚鸡香味，溜晒口水啰。慢慢来唔洗急，出晒烟睇黎劲热㖞，拆开望望有火腿条、鲜淮山、鱼肚、鸡柳，平时我都会成件扎咬，唔会拆开，因为可以同一时间食到四种味道四种口感，劲正！是关太热喇，热到入唔到口，唯有分开食啦。
先用腐皮卷住鱼肚食，腐皮湿润咽韧弹牙包住爽滑未香甜鱼肚，仲要索尽热辣辣鸡汁，好味道！再用腐皮卷住鸡柳食，又嫩又弹既质地，腌得又入味，正。一条鲜淮山非常粉口，另一条反而爽脆，我较喜欢后者，配埋弹牙带咸香既火腿条，天衣无缝，淮山本身味啖，搭上火腿一绝。
非常满足既一餐，全部满分无投诉！一汤一饭三点心，太贪心喇！要做返几晚运动先得。
张贴
