老三火鍋 (已結業)

同一大班朋友收工之后去到旺角打边炉！之前朋友食过呢间呀话好推介！佢本身系一个好养生嘅人，佢话一齐去打边炉嘅时候我哋都奇怪，佢话佢打边炉净系打呢一间 ，因为每次食完佢都唔会有热气唔舒服嘅感觉😂呢度嘅招牌汤底系老鸭汤啦，味道好香好浓！啲店员我哋咁多人就开咗间房俾我哋，服务态度都好好！配料方面选择都好多，除咗唔少得嘅肥牛之外都有好多唔同海鲜！😍叫到成张枱都摆唔晒，原因就系呢度嘅价钱唔算好贵，一大班人食下食下忍唔住就越叫越多😍食完之后真系完全冇喉咙痛热气嘅感觉，可能因为个汤底真系好补！😂😂😂