滬揚川上海料理

营业中

休息中

呢间餐厅开系横街，唔算好显眼。平日夜晚唔算多人，唔驶等位。酸辣汤好大碗，大约系二至三人份量。酸酸辣辣几开胃，但太大碗饮唔哂。鳝糊炒粗面，一次过满足想食鳝糊同想食粗面嘅两个愿望。鳝嘅份量几多，几足料。味道浓左少少，但老派上海菜好多时都系偏浓味。生煎锅贴有六大只，皮很脆而且厚薄适宜。啱啱煎起好热，入面系有少少肉汁。冻豆浆系自家制，饮得出好香嘅豆味，冇渣。而家好多餐厅都系卖枝装豆浆，自家制嘅真系卖少见少。有时我会觉得好多上海菜连锁店价钱偏贵，菜式又稍为过于精致。呢间餐厅平实得黎做得返记忆中老上海嘅味道，值得推荐。