影片
更多
2019-01-08
1374 浏览
初初投身社会时（若干年前），都有听过鹿鸣春。传闻响日本好出名，旅游书极力推介，专做游客生意，专食鲍参翅肚，好贵好贵…… 而已事实并非如此！午市套餐 - 五和菜$360 左右（连加一）有4𩠌一汤白饭4碗，简直系街坊价平靓正！北京烤鸭都系$460 左右 （连加一）。以尖沙咀老字号食肆嚟讲，价钱够晒佛心！难怪嚟鹿鸣春一定要提早 book 定位！Walk-in 绝对冇可能入座！介绍一下五和菜点（固定菜式一𩠌一汤，自选三款𩠌菜） - 腿蓉冬瓜羹 - 金华火腿冬瓜蓉羹，火腿咸香，高汤味浓，冬瓜蓉晶莹剔透，看似清淡，味道浓郁 铁板京葱牛肉 - 同冬瓜蓉羹一样系指定菜式。唔好以为固定未必好，相反佢绝对系重点𩠌菜！铁板烧到热一热，加入葱京牛肉酱汁，上枱时就啱啱好，葱香肉嫰仲甜甜地配白饭炒回锅肉 - 又系另一个下饭菜，回锅肉微辣，有菜有肉有豆干 炸芝麻虾 - 即系炸虾多士，虾胶弹牙，多士脆卜卜，多咗层芝麻，香味大爆发作为开胃小食，正呀！奶油扒津白 - 中式白汁，津白滑嘟嘟，火腿蓉咸香吊出多层鲜味，正正系呢一味奶油津白，令我从此钟意食菜！烤北京填鸭 - 份量足6位，鸭皮香脆，配小黄瓜，京葱，特制酱汁，转眼就
午市套餐 - 五和菜$360 左右（连加一）有4𩠌一汤白饭4碗，简直系街坊价平靓正！北京烤鸭都系$460 左右 （连加一）。以尖沙咀老字号食肆嚟讲，价钱够晒佛心！难怪嚟鹿鸣春一定要提早 book 定位！Walk-in 绝对冇可能入座！
介绍一下五和菜点（固定菜式一𩠌一汤，自选三款𩠌菜） -
腿蓉冬瓜羹 - 金华火腿冬瓜蓉羹，火腿咸香，高汤味浓，冬瓜蓉晶莹剔透，看似清淡，味道浓郁
铁板京葱牛肉 - 同冬瓜蓉羹一样系指定菜式。唔好以为固定未必好，相反佢绝对系重点𩠌菜！铁板烧到热一热，加入葱京牛肉酱汁，上枱时就啱啱好，葱香肉嫰仲甜甜地配白饭
炒回锅肉 - 又系另一个下饭菜，回锅肉微辣，有菜有肉有豆干
炸芝麻虾 - 即系炸虾多士，虾胶弹牙，多士脆卜卜，多咗层芝麻，香味大爆发作为开胃小食，正呀！
奶油扒津白 - 中式白汁，津白滑嘟嘟，火腿蓉咸香吊出多层鲜味，正正系呢一味奶油津白，令我从此钟意食菜！
烤北京填鸭 - 份量足6位，鸭皮香脆，配小黄瓜，京葱，特制酱汁，转眼就食咗4嚿喇
包点点心 - 原来鹿鸣春都有点心车架！有幸遇上，好奇有咩食？原来全部都系蒸包蒸饺 包点系北方包点，唔同粤式包点 - 南方包点用低筋面粉，密度低，口质松软轻盈，要做到开笼先叫靓 北方包点用中/高筋面粉，相对包身软绵细密，比较饱肚！
至于点心款式，有菜肉包、豆沙包、蒸素饺、小笼包。老派包点，饱肚满足
服务方面，侍应全部都系大叔辈，有叔父辈嘅幽默，亲切风趣！
张贴
