影片
更多
2015-05-14
734 浏览
有一个男性朋友，佢无鸡不欢，每日都要食鸡，就算一日三餐都食鸡，佢都无问题，所以要同佢食饭我都会揾靓鸡店(会提供鸡做佳肴既店铺)search左好耐，我最后决定去奇乐香辣鸡煲。因为佢地用既鸡系新鲜本地培养。包括「嘉美鸡」、「粤皇鸡」、「BB鸡」。做出三款唔同口味既鸡煲，虽然我唔食辣，但因为我中意重口味，所以我地最后叫左个用嘉美鸡做既和味沙哗鸡$238 (半只鸡)侍应同我讲左，会有d辣，但系我都系想试试佢。呢间餐厅除左散叫之外仲可以选择2人餐(冇记错好似500几蚊)，但系因为2人餐既食物选择比较小，而且又冇海鲜，所以我地都系散叫啦。先讲个和味沙哗鸡($238)，佢既蒜味好香，小小辣，但系又唔会因为调味之遮掩左鸡本身既鲜味，可能系因为餐厅用既系新鲜鸡，所以鸡味都特别浓香。仲要依嫁有鸡煲半价优惠，计落百几蚊，食到新鲜鸡煲，真系好抵呀。羊肉片($82)︰唔会好膻，但系肉好嫩又唔肥。黑松露带子饺($108)，一份有6粒，每粒既份量都好大，大大粒咁，入面仲有鲜甜既带子同埋香浓既黑松露，真系好正呀。手制既饺，果然系唔同d。双拼手打丸(虾丸，墨丸) ($108)，手打既丸类，特别既弹牙，又爽口。我自己就比
因为佢地用既鸡系新鲜本地培养。包括「嘉美鸡」、「粤皇鸡」、「BB鸡」。做出三款唔同口味既鸡煲，虽然我唔食辣，但因为我中意重口味，所以我地最后叫左个用嘉美鸡做既和味沙哗鸡$238 (半只鸡)侍应同我讲左，会有d辣，但系我都系想试试佢。呢间餐厅除左散叫之外仲可以选择2人餐(冇记错好似500几蚊)，但系因为2人餐既食物选择比较小，而且又冇海鲜，所以我地都系散叫啦。
先讲个和味沙哗鸡($238)，佢既蒜味好香，小小辣，但系又唔会因为调味之遮掩左鸡本身既鲜味，可能系因为餐厅用既系新鲜鸡，所以鸡味都特别浓香。仲要依嫁有鸡煲半价优惠，计落百几蚊，食到新鲜鸡煲，真系好抵呀。
羊肉片($82)︰唔会好膻，但系肉好嫩又唔肥。
黑松露带子饺($108)，一份有6粒，每粒既份量都好大，大大粒咁，入面仲有鲜甜既带子同埋香浓既黑松露，真系好正呀。手制既饺，果然系唔同d。
双拼手打丸(虾丸，墨丸) ($108)，手打既丸类，特别既弹牙，又爽口。我自己就比较中意食墨丸，白雪雪，又香墨鱼味，仲咬到墨鱼粒粒。白鳝片($88)︰平时食开系圆圆既，中间有骨，呢到系好细心咁去左骨，一条肉，好鲜，好弹牙，仲可以大啖食，唔怕有骨。
桂花蚌($98)︰好爽口既桂花蚌，滚完之后系滑滑既一条，不过鲜甜无比。西洋菜($38)︰食左咁多肉点都耍食返D菜，西洋菜拎黎煲汤我就饮得多，用黎打边炉我就未试过，但朋友想食，一试之下发现，原来都几正。
鲜腐竹($38)，好香浓既豆味
即炸响铃($68)︰好香脆，可以就咁食，不过我都系比较中意沾左汤先食，响铃系食鸡煲同打边炉唔可以少既野。
呢间餐厅位置都好方便，侍应好有礼貌，又好细心，坐得又舒服。食材又新鲜，正!!!
题外话/补充资料：
鸡煲半价优惠，系要符合指定条件
(以上食记乃用户个人意见 , 并不代表OpenRice之观点。)
张贴
