鳴橋燒肉料理 (已結業)

老朋友聚餐，今次试一间位于旺角既日式烧肉放题。老友话佢老婆上个月试过，话肉类款式虽然吾多，但每款都好味，话一定要试下。店舖位于旺角，方便各老友放工聚餐，我地订左6点六位，可能系星期三，去到时得两枱客，店员介绍我地有两款餐，一个178，另一个218可食多六款食物…，仲话而家做优惠每人送多只特大刺身虾。成班老友成年冇见，当然食好D。因为友人话肚饿，于是叫个靓女姐姐上刺身同比碗汤先，可能客吾多，不到5分钟就上菜，个三文鱼汤有惊喜,冇想过放题可以饮到咁高水淮既汤。其他肉类、海鲜都好快上,其中一位友人系虾精，D虾比想像中大只，佢话超正，个人食左最小5-6只。我同太太最爱食肉，和牛粒同牛肋肉牛味好重，想不到放题会食到呢个级数既牛肉。另外羊架我平时好少食，友人拯力推介，我试左一件，真系好好味，但注意不要烧太耐，店员持别提醒最好七成熟。刺身方面虽然吾多，但款式都大路，有三文鱼、北寄贝、马刀贝、帯子等…呢个价食到呢类刺身，算好低。