華香雞 (已結業)

港式烧味系好多打工仔嘅放饭必食之选，贪佢够快靓正，今次就推介多个选择俾湾仔返工嘅上班族啦！华香鸡绝对系我近排食过性价比最高嘅烧味店，套餐选择多份量多，仲要有汤有菜有小食，粮尾恩物！一人豪华套餐（配鸡肾 鸡汤白菜）四宝鸡饭（配卤腩片 卤猪耳）老字号做法果然系唔同啲，鸟龙茶香鸡用秘制酱油同乌龙茶烟熏制成，茶香熏味好浓郁；招牌华香鸡，以秘制招牌白油水浸制，鸡味浓郁，咸香味俱全，肉质绝不柴身！卤肉入味得嚟唔会苦涩，五花腩肥瘦相间，猪耳弹牙，仲有男朋友最爱嘅鸡肾同样系爽口唔腥，我哋另加咗卤蛋都系咁滋味，食完真系饱到捧住个肚走！