鏞記酒家

营业中

休息中

镛记酒家系老字号粤菜馆，以前细个同屋企人食过，但近年已经少去，今次有亲戚由外国返嚟点名想食，所以又再月BOOK位，结果又唔错。首先系个招牌炭烧黑鬃鹅，同一乐、再兴做法似乎有啲唔同，重点系佢哋特制嘅酱料，闻到已经好香，啲肉唔会柴，仲keep住啲肉汁，皮油而不腻，上枱好快被清晒！脆皮烧腩仔亦都系一绝，脆皮爆香，肥肉唔会太腻，瘦肉又唔会太干，每一啖都好满足。蜜汁吊烧鹅掌扎要提前预订，用咗鹅掌包住鹅肝、叉烧、招牌鹅肝肠等材料，油阵蜜汁吊烧到外层焦香，食落丰腴有层次感！最后一道冬瓜盅好啱夏天清热解腻，盅里面有火腿、冬菇等配料，饮落清甜浓郁。今餐大家都好满意，整体菜式都好有水准，值得推介！