影片
更多
2024-05-08
274 浏览
芭堤雅泰国餐馆喺元朗已经开业10多年，喺元朗几乎无人不晓。最近重新装潢，摇身一变成为打卡嘅泰式Cafe，就拉埋老公一齐去试下。纯白色嘅店面，竹藤状嘅吊灯，加埋绿色植物嘅点缀，充满小清新。餐厅有上下两层，座位都算多。翻新后嘅芭堤雅泰国餐馆人气十足，假日座无虚席，好彩排队唔算等太耐，大概等15min左右就可以入座啦！午市套餐好抵食，选择都好多。泰国海南鸡喇沙汤粉($78)呢个喇沙汤底好有惊喜，泰式香料味道突出，入口辣辣地，加入椰浆后味道香甜，集浓香辣于一身，好惹味！海南鸡竟然系髀位，皮香肉嫩，完全唔嚡口，面头再放上大量炸牛蒡，增添口感！Pattaya地踎捞面($72)捞面淋上泰式酱汁、挤少许青柠汁，味道清爽开胃！配搭脆炸五花腩、肉碎及炸牛蒡，多重口感。而我特别钟意脆炸五花腩，炸到香脆，肉质爽口弹牙，好食！午市套餐可以另外加配小食：黄金虾饼(+$25)虾饼炸到脆卜卜，口感弹牙，真材实料。红咖喱鱼饼(+$20)鱼饼充满柠檬叶及红咖哩香、混合豆角粒令口感更有层次。套餐送饮品，拣咗蜂蜜香茅茶，味道清香。老公拣咗比较少见嘅泰式绿奶茶(+$10)，奶香丝滑顺口，茶味淡雅，不过甜度就稍高。炭烧猪颈肉($
纯白色嘅店面，竹藤状嘅吊灯，加埋绿色植物嘅点缀，充满小清新。餐厅有上下两层，座位都算多。翻新后嘅芭堤雅泰国餐馆人气十足，假日座无虚席，好彩排队唔算等太耐，大概等15min左右就可以入座啦！
午市套餐好抵食，选择都好多。
泰国海南鸡喇沙汤粉($78)
呢个喇沙汤底好有惊喜，泰式香料味道突出，入口辣辣地，加入椰浆后味道香甜，集浓香辣于一身，好惹味！海南鸡竟然系髀位，皮香肉嫩，完全唔嚡口，面头再放上大量炸牛蒡，增添口感！
Pattaya地踎捞面($72)
捞面淋上泰式酱汁、挤少许青柠汁，味道清爽开胃！配搭脆炸五花腩、肉碎及炸牛蒡，多重口感。而我特别钟意脆炸五花腩，炸到香脆，肉质爽口弹牙，好食！
午市套餐可以另外加配小食：
黄金虾饼(+$25)
虾饼炸到脆卜卜，口感弹牙，真材实料。
红咖喱鱼饼(+$20)
鱼饼充满柠檬叶及红咖哩香、混合豆角粒令口感更有层次。
套餐送饮品，拣咗蜂蜜香茅茶，味道清香。
老公拣咗比较少见嘅泰式绿奶茶(+$10)，奶香丝滑顺口，茶味淡雅，不过甜度就稍高。
炭烧猪颈肉($88)
卖相劲靓！必点！猪颈肉烧得好香，边边位烧到脆口，肉质嫩滑又弹牙，蘸上泰式秘制酱汁更加惹味！
奶茶雪山($68)
卖相好打卡！味道亦有水准，刨冰口感绵密丝滑，毫无冰感，泰式奶茶味香浓之余又唔会太甜，不论加椰浆酱定系落脆脆，味道都好夹。
整体食物质素好高，服务都非常殷勤友善，绝对会回头！
张贴
