源記甜品專家 (已結業)

好多老字号经历左唔同年代到而家都依然屹立不倒，当中又有几多保持到水准呢。当然啦，好多食客除左食味道，仲有样野叫情怀，都一样食得的。知道好多人都钟意西环嘅源记，衬过左海喺西环食午饭，就饭后一糖水。呢个铺位重新装修过，座位阔落又光猛，最重要当然系价钱都一直提升，以中式糖水黎讲，价钱都昂贵，人地卖紧廿零蚊碗嘅，呢度都接近四十了。餐牌供应桑寄生蛋茶、莲子茶、红、绿豆沙、芝麻糊、杏仁露等，唔少得招牌鸡蛋糕，糖水定价$26-40，够好多人食个饭架喇。通常来来去去点𠮶几款，我地亦不例外，点左桑寄生莲子茶、合桃露。桑寄生莲子茶 $36可以加鸡蛋，但我唔系太想食。糖水依然用传统汤碗，其实我屋企都仲用紧。下面有银盘隔热，而家比较少见。桑寄生呢款药材价钱唔贵，毛利都几高，好在味道唔错。入口甘香，甜度唔高，热辣辣，相当养生。莲子大大话话有十几粒，大粒而完整，唔会煮到太腍身，仲有少少咬口，带甜。整体真系比其他糖水店做得出色，食完呢个糖水好似宁舍舒畅清香合桃露 $36合桃露相对失色，并冇闻到明显合桃香，一放匙更入去，就感觉到佢比较稀身，水廖廖咁。浓稠度不足，入口只有很淡合桃味。