京香餃 (已搬遷) 新店位置

大约系半个月前嘅事喇! 之前食过之后一直向同事推介，但同事们都觉得离公司太远喇! 要山长水远行上嚟坚道，想揾个傻仔陪我嚟食真系好难，估唔到呢日有个同事肯陪我上嚟，但真系估唔到原来系老店嘅最后一日(正确D讲应该系半日)。如常的由SOHO方向行上来，坐低点好食物后，一位女待应以普通话同我地讲，下午要到格离大厦的店!! 我思前想后，系唔系自己D普通话咁差，竟然听错此店嘅待应同客人推介其他食店?? 一堆问号在脑海中泛起，细问之下原来老店坐落嘅大厦要迁拆，店主已经系格离大厦开咗新店，呢日系最后嘅半日，做完午市就会关门搬走! 估唔到我同呢间老店都仲有点缘份!呢个食评系为咗记念呢间老店，一间外内都好有北京风味嘅老店。食物唔多讲，因为以下嘅食评都已经讲过晒，总之就系好味，好北京嘅风味，希望新店水准依然。