影片
更多
2018-01-08
1129 浏览
讲起民丰粉面行, 荃湾老街坊一定会知道, 每逢冬至新年呢间铺头都会大排长龙，排队买乜？之唔系买佢地既汤圆.其实呢间铺头除左汤圆出名之外, 佢既韮菜饼, 糯米糍同粉面都好出名,我自己由细到大包饺子其中一间会买既就系佢地既出品，好新鲜不过会偏厚，有啲离题添，今日就同大家食下佢既糯米糍______________________________🔹黑芝麻糯米糍 $5🔹花生糯米糍 $5早晨9点去到，佢地话师傅未返，未有货，要10点左右先返货，9点9再去，已经有货喇！.糯米糍既Size 大约手掌心大小，外皮都几多粉下.佢既馅料侧埋咗一边，第一旧芝麻蠢左，咬左皮果边，虽然第一啖都已经见到馅，但未去到好爆。第二旧花生醒左，摸到有馅果边先咬，痴线架！！！薄薄一层外皮，入面啲料爆到癫左！.馅料系炒过嘅芝麻同花生再混入大量砂糖，好香之余亦都好甜。糯米皮本身是没有味道的，刚好可以中和偏甜的内馅.糯米糍嘅外皮都系一大亮点，其实未食拎上手已经知道， 系超级软熟，咬开咗唔用手扶隐，啲馅料绝对会四散，因为外皮实在太软淋淋！但你又唔好以为软林林会唔好咬，佢软得黎都几有咬感，完全满足烟靭控的要求！.除左花生同黑芝麻味，仲
讲起民丰粉面行, 荃湾老街坊一定会知道, 每逢冬至新年呢间铺头都会大排长龙，排队买乜？之唔系买佢地既汤圆.
其实呢间铺头除左汤圆出名之外, 佢既韮菜饼, 糯米糍同粉面都好出名,我自己由细到大包饺子其中一间会买既就系佢地既出品，好新鲜不过会偏厚，有啲离题添，今日就同大家食下佢既糯米糍
______________________________
🔹黑芝麻糯米糍 $5
🔹花生糯米糍 $5
早晨9点去到，佢地话师傅未返，未有货，要10点左右先返货，9点9再去，已经有货喇！
.
糯米糍既Size 大约手掌心大小，外皮都几多粉下
花生糯米糍
$5
221 浏览
1 赞好
0 留言
.
佢既馅料侧埋咗一边，第一旧芝麻蠢左，咬左皮果边，虽然第一啖都已经见到馅，但未去到好爆。第二旧花生醒左，摸到有馅果边先咬，痴线架！！！薄薄一层外皮，入面啲料爆到癫左！
.
馅料系炒过嘅芝麻同花生再混入大量砂糖，好香之余亦都好甜。糯米皮本身是没有味道的，刚好可以中和偏甜的内馅
.
糯米糍嘅外皮都系一大亮点，其实未食拎上手已经知道， 系超级软熟，咬开咗唔用手扶隐，啲馅料绝对会四散，因为外皮实在太软淋淋！但你又唔好以为软林林会唔好咬，佢软得黎都几有咬感，完全满足烟靭控的要求！
.
除左花生同黑芝麻味，仲有红豆味可以选择
.
提提大家佢既糯米糍每日新鲜限量制作，去到黄昏时间通常都已经沽清，想食既人记得早少少去买
张贴
