海皇粥店 (樂道) (裝修中)

想揾粥食自然就想起海皇粥店，话哂呢个品牌都有左十几廿年😆是晚就来到乐道的海皇分店，虽然唔爆场，但意外地多游客😳外国人、国内人，甚至连日本人都有，原来海皇系国际知名😳睇下餐牌，有唔少粥品、小食，连饭同公仔面餐都有，好肚饿，叫多几样野食先。⭐生滚芥菜双并肉丸粥配半份油炸鬼朋友话佢好钟意食芥菜，所以就试下呢个芥菜生滚粥，配料就配咗双拼肉丸，双拼肉丸包括猪肉丸同埋鲮鱼球，个粥底都几好味，芥菜好新鲜爽口，少少苦涩唔算好重口，唔错呀。呢个粥仲有半份油炸鬼送，抵㖞😋⭐鲜猪肉丸粥配炒面自己就点咗个单拼生滚粥，拣咗要猪肉丸，唉呀～早知同朋友一样我就拣另一款啦。望落去白茫茫一片，但入面其实猪肉丸都落咗几多嘅，粥底绵绵地都几好味😋呢个餐可以配好多选择，拣咗要炒面，我觉得粥配炒面系绝配嚟㖞😆炒面都几好，冇过油亦都唔干身，加啲辣酱同芝麻，正呀😋⭐煎萝白糕朋友仲加多咗份煎萝卜糕，个样望落都唔错，不过煎㶶少少会更好😆钟意食香口嘢嘛。⭐炸两另外仲加多咗一份炸两，炸两都系粥舖必点嘅小食之一，肠粉够滑又烟韧，入面嘅油炸鬼新鲜仲系脆口嘅，最正系酱料摆喺枱面任落，食炸两肠粉梗系要多酱啦，仲要多芝麻添呀😍⭐热柠茶 & 热豆浆食