集眾菜館

营业中

休息中

当晚3个人去食，咁坐低后就睇下有咩食，谂左一阵都未知食乜好，咁就叫住碟小炒皇同两支啤酒先，点知个老板娘就好无礼貌咁讲左句，每个人最低消费要$200，当然我地就唔知有最低消费黎样野啦，咁我地就话ok啦，其实我地一直都仲睇紧食乜，最后谂到食乜𩠌，咁就叫侍应落单，顶点知侍应唔会落单，一定系要个老板娘落，咁叫左个咕噜肉、鱼鳔、叫一只乳鸽，点知个老板娘乳鸽一叫要叫两只，咁我地就话唔要乳鸽，就落左咕噜肉、同鱼鳔，隔咗一阵老板娘走过黎讲话有人外卖一只乳鸽，问我地令一只乳鸽我地叫唔叫，咁好啦要只乳鸽。到上菜，个小炒皇得D韭菜花、炸芋头丝，几只冇味嘅虾干、几粒腰果，味道真系麻麻。跟住就系个鱼鳔，完全一啲味道都冇😞到个咕噜肉，炸得系脆既，不过就好厚粉浆，正式系粉多肉少，同咬落去有部份D肉系有D怪味😩乳鸽就同其他地方食既就冇乜分别。一路食就一路讲，唔会再嚟呢间嘢食，一来冇礼貌有冇服务，我仲以为自己去咗卡拉OK，每个人要最低消费$200。