影片
更多
2014-10-24
5906 浏览
麦师父开左新场！再唔系叫大尾笃烧烤王，唔好去错㖞！系正以前烧烤王隔离乍，老麦加油呀 ﹗今晚麻烦麦仔帮我留个靓位，自成一阁。第一次来临，地方比以前细左半，但干净齐整骨子左好多 ﹗石屎地、食物提取处、饮品部、儿童乐园。最重要系个新男仕厕所好干净呀 ﹗但只有两格，无尿兜。 依家七点半差不多八点都 full 左 70% 喇 ﹗有班大陆公司搞 party、又有班大学学生搞活动 ﹗每次都系港式用叉自己烧，今次特别改用网烧，因为我地买左海鲜加𩠌麻 ﹗麦师传养既狗狗，比以前少左好多只㖞 ﹗听老板娘讲，旧舖烧烤王个新老板唔钟意狗，自己 call 捉狗队黎捉走晒狗啰，最终咪又系人道毁灭？好过份呀 ﹗海花蟹、连壳生蚝、贵妃蚌、大蚬，烧左自备海鲜先 ﹗烧本地生蚝原来劲好味架！超级鲜甜浓郁又弹牙，唔洗开直接烧，肉汁唔会流失得太多，全熟生蚝依然肥美饱满，正呀！蛏子皇都甜到不得了！烧到干身即啪入口，鲜爽多汁带碳烧香味，太美味 ﹗最初唔记得要左海蟹先烧，系好难熟架 ﹗Lucky 劲多膏，蟹肉又鲜甜。大蚬、贵妃蚌、花蚬同样新鲜味美，全部只系三百几蚊乍！最遗憾收工太晏买唔到龙虾啰！烧连壳生本地生蚝唔洗开，烧到差不多
海花蟹、连壳生蚝、贵妃蚌、大蚬，烧左自备海鲜先 ﹗烧本地生蚝原来劲好味架！超级鲜甜浓郁又弹牙，唔洗开直接烧，肉汁唔会流失得太多，全熟生蚝依然肥美饱满，正呀！蛏子皇都甜到不得了！烧到干身即啪入口，鲜爽多汁带碳烧香味，太美味 ﹗最初唔记得要左海蟹先烧，系好难熟架 ﹗Lucky 劲多膏，蟹肉又鲜甜。大蚬、贵妃蚌、花蚬同样新鲜味美，全部只系三百几蚊乍！最遗憾收工太晏买唔到龙虾啰！烧连壳生本地生蚝唔洗开，烧到差不多熟就会爆开，吓死 ﹗哈哈 ﹗烧紧海鲜既时候，几批唔同既大陆友好奇地不停照相，未见过烧海鲜咩！只蟹拆开左去干净，终于烧得熟喇！蟹盖劲多膏，蟹肉鲜甜又竹弹弹的，好味道！碳烧蛏子皇完全不需任何调味，天然甜美加肉香，好食到震！顶级鲜甜大花蚬，碳烧香喷喷！海水味浓而带蚬肉甜味，质地够晒弹，正！碳烧珍宝美国扇贝，连壳有我手掌咁大呀！不过开左会好难烧得熟，一定要有水先得，依家无鸡汤无蒜蓉无 Wahhabi 无调味料，就地取材！碳烧朝日啤酒珍宝美国扇贝，正呀！碳烧朝日啤酒珍宝美国扇贝，其实用 washabi、用蒜蓉辣椒青葱烧都好好味。碳烧朝日啤酒珍宝美国扇贝，因为实在太厚肉太大只，真系要烧好耐。其间要不定加啤酒，烧到甩壳先够熟。终于烧好有得食喇！好味到辣以形容，鲜甜棉滑，带碳烧香味，慢慢咀嚼时散发出淡淡酒甜味，very good！碳烧贵妃蚌、碳烧大蚬，贝壳类最易掌握最易烧又无需调味，烧到开口即食，唔开口即系死左可以掉得。烧熟完全保存到海水仲源汁原味，入口劲浓海水味道，咁咸既？可能直接带到烧烤场无浸浅水呢。不过十分肥味，劲新鲜弹牙！碳烧原只生蚝，首次完全唔开半壳直接烧，将蚝汁海水迫回蚝肉里面，烧到爆开干身，全熟既熟用香气扑鼻！蚝肉肥美棉棉，特浓蚝鲜甜味，半点腥嗅都无，同样无需任何调味或点汁食，依家已经好好味！Part 1 美味自海鲜搞掂！Part 2 任砌烧烤开始！好味噃，比以前烧烤王更好，腌得入味刚好，唔会过火。乳香、蒜香、咖哩鸡中翼全部都好好食。招牌肥美沙嗲鳝柳唔洗讲梗系正，仲有人气香甜金沙骨、叉烧粒同样美味。我最喜欢鸡扒、猪扒、牛扒，啖啖肉，都好满意，我真系百份百食肉兽黎架！牛丸、墨鱼丸、鱼蛋、玫瑰红肠、厨师肠、鱿鱼翼，大路稳阵。碳烧鸡全翼，食到鸡中翼既鲜嫩、鸡膇既结实有咬口、鸡翼尖既滑溜！腌得又到位，烧得金黄香口，抢住食啦！碳烧一品，香喷喷！麦师傅系后面正在教授 BBQ 秘技，赞！时间过得真快，转睇食左老麦既 BBQ 十几年喇！
张贴
