麥當勞

营业中

休息中

大少今日提议下午茶去老麦到试饮新出嘅奶盖饮品。其实已经见到个广告好几日，一直心大心细都想去试，好彩今日大少提起,咁就去试啦。个广告一共有六款饮品,简直花多眼乱。大少叫咗黑咖啡奶盖，我就叫咗四季春奶盖走甜小冰。个奶盖唔系太厚、第一啖饮落去个味道好假。简直系一个伏字。个感觉好似用奶盖粉打出嚟咁。个四季春就一般啦，普通青茶嘅味道。大少𠮶个黑咖啡奶盖，佢第一句就话，好似普通黑咖啡咁。跟住就冇再比其他意见啦。个奶盖,浮喺面，搞极都唔溶，啲芝士一粒粒。饮到一半，只系闻到好甜嘅香精味。总括嚟讲呢杯奶盖简直唔合格佢仲要收成$30，我宁愿出去饮普通黑糖鲜奶奶盖吖。