紅橋 (已結業)

圣诞前夕最啱就系约朋友一齐去食饭，今次约咗一位朋友喺旺角叹返个平民西餐叫咗一份set，有齐餐汤、前菜同主食，仲可以额外加配小食添。餐汤系野菌忌廉汤，非常creamy，而且味道仲好滑。前菜系呢款清清地又开胃嘅沙律，而且仲有一片Parma ham 添，真心有惊喜！而主食就系呢一款黑松露忌廉汁海虾带子烩意粉，意粉嘅味道唔会好咸，而且仲好有海鲜嘅鲜甜味道。海虾同带子都好大粒，绝无欺场，份量都好足添至于小食就加配左芝麻虾多士同埋芝心鸡翼。虾多士配埋炼奶绝对滋味，而且又唔会太甜，值得推介。而鸡翼亦都好嫩滑，入边仲有馅料添。两款小食一齐分享，一边食一边倾，真系好正