Outdark (飛達商業中心)

营业中

休息中

每次约朋友聚会都谂起Outdark，因为环境好岩倾计，装修得几有气氛，令人好舒服，又唔会太嘈，最岩少少人聚会倾计。不过当然食物先系主角，每次必叫炸鸡配米酒。炸鸡有唔同味道可拣，当然叫双拼可以一次过试两种味炸鸡睇得出系新鲜即炸，皮十分香脆，鸡肉一d都唔干，嫩滑得黎仲有肉汁。今次点左香蒜蜜糖同甜辣双拼，酱汁份量刚刚好裹住炸鸡，好香口。蜜糖甜甜地但唔会令人觉得腻，甜辣嘅辣度较低，唔食得辣嘅朋友都可以接受！至于伴碟嘅薯条同样炸得香脆，但可能腌得唔均匀，有部分好咸...另外付上腌萝卜同酱料，腌萝卜酸酸地可以消腻；酱料分别系酱油、柚子、蜜糖同甜辣酱，配薯条一流，两样配料都可以任添。饮品点左芒果苹果米酒，米酒用碗上，视觉够震撼，虽然份量多但酒精浓度唔高，饮哂成碗都绝对唔会醉（并唔系我饮得），有少少果汁嘅感觉，好岩女仔口味！另外加左个自制饭团，超级热！可以自己动手整饭团食，几得意而且味道唔错，不知不觉就食哂。系Outdark食野环境真系好舒服，唔经唔觉就会坐左好耐不过食物因为全部都热辣辣，所以趁新鲜食就最正！另外饮品价钱可以平少少就好～