台茶店

营业中

休息中

因为想饮佢杯珍珠奶茶先专登走去食，一入去我就行去收银位拎起本餐单睇下食咩好，点知个男职员就劲恶行埋黎话另个女人黎先架，系咁强调话个女人黎先。我就话我都系睇下餐牌食咩姐，个男职员就无理我讲咩叫我行开比个女人嗌野食先。好啦，想饮佢奶茶就忍左佢，自问自己又无因为佢咁恶对我而对佢无礼貌，点知到我叫野食个阵，个男职员就劲恶甘问食咩啊，找钱个阵又劲大力将啲银仔拍系张枱到。姐系咁既对客态度真系不得了，唔会有下次想帮衬既欲望。撇除态度都想讲下食物味道方面，正正常常不过不失，就作为联和墟入面都叫做平价黎讲就唔好要求太多，入到口唔难食，但就一定唔系正宗台式野食。基本上嗌咩野食都会免费跟杯指定奶茶/绿茶，野饮系似系台湾饮到个啲偏甜，另外如果你要走冰佢会加你$2定唔知$3。