影片
更多
2017-11-03
874 浏览
一人午餐，嚟食和拉面。店舖细细，啱晒想快快食个拉面嘅上班族。一入店就听到播紧日文歌，又几有日本FEEL~ 日本拉面都算系日本饮食嘅代表作之一，去到日本，我都会去街边档口食碗拉面，感受一吓日本风味。拉面加埋日本歌，确系别有一番风味，当中仲有一啲耳熟能详嘅歌，系一啲怀旧粤语歌嘅曲，而唱紧日文词，估唔到呢啲歌系有日文版，虽然第一次听，但已经好有亲切感。店入面得三款拉面，order纸可以自行选择唔同配搭。我拣左︰豚骨原味拉面$75 (不要蒜、不要葱、面普通硬度)、加叉烧$20、加日本糖心蛋 半只 $6。一整盘上枱，摆得几精美。拉面较幼身，挂汤能力特别高，爽口弹牙。加叉烧$20有三片，好肥美，肥肉多过瘦肉，入口软腍软糯，面头仲有少少微焦。日本糖心蛋 半只 $6， 一只$12，拉面系包左半只糖心蛋，略嫌唔够喉，所以加左半只。金黄色嘅蛋汁，特别香甜。枱上有店家自家制辣芽菜，辣辣地又爽口，几惹味，配拉面食都唔错。
一入店就听到播紧日文歌，又几有日本FEEL~ 日本拉面都算系日本饮食嘅代表作之一，去到日本，我都会去街边档口食碗拉面，感受一吓日本风味。拉面加埋日本歌，确系别有一番风味，当中仲有一啲耳熟能详嘅歌，系一啲怀旧粤语歌嘅曲，而唱紧日文词，估唔到呢啲歌系有日文版，虽然第一次听，但已经好有亲切感。店入面得三款拉面，order纸可以自行选择唔同配搭。
我拣左︰豚骨原味拉面$75 (不要蒜、不要葱、面普通硬度)、加叉烧$20、加日本糖心蛋 半只 $6。一整盘上枱，摆得几精美。
拉面较幼身，挂汤能力特别高，爽口弹牙。
加叉烧$20有三片，好肥美，肥肉多过瘦肉，入口软腍软糯，面头仲有少少微焦。
日本糖心蛋 半只 $6， 一只$12，拉面系包左半只糖心蛋，略嫌唔够喉，所以加左半只。金黄色嘅蛋汁，特别香甜。
枱上有店家自家制辣芽菜，辣辣地又爽口，几惹味，配拉面食都唔错。
张贴
