Maison Du Mezze

呢间餐厅真系处处都系打卡点，表姊妹嚟香港玩，趁佢哋回程𠮶日，谂住近机场，去东涌shopping，行返去地铁站A出口位置就有free Shuttle Bus去呢间酒店，真系好方便！鹰嘴豆蓉拼盘四种不同颜色嘅鹰嘴豆蓉，每种都有独特风味，颜色抢眼，入口顺滑浓郁，原味带有浓厚豆香味；香茜腌菜多了一份青菜香气，清新开胃；粉红色嘅系红菜头，则带有一丝甜；松露味咸咸地，带有菇香。搭配著蓬松嘅Pita Bread，好夹！炭烤八爪鱼微暖嘅八爪鱼浸在大蒜橄榄油汁液中，配以晒干蕃茄，卖相精美，肉质鲜嫩弹牙，口感丰富。炭烤羊肉和鸡肉串烧炭烤过嘅肉串外表呈微焦，肉质保持了嫩滑多汁，唔错