Burgerman (埃華街)

营业中

休息中

今日同女朋友放工回家路上，行经大角咀出名最多好野食嘅埃华街。今日系放宽唔洗戴口罩嘅好日子，当然系好好食一餐庆祝佢!!行到街尾见倒Burger店，就决定同女朋友入去豪食一番。入到去餐厅虽然位置数目并唔多，但系汉堡包嘅选择多到拣唔落手。有牛，有猪，有鸡，有虾。最最最重要系有我女朋友最钟意嘅黑松露口味嘅和牛汉堡。特级黑松露和牛汉堡 ($114) +$22汉堡包系一个正常Size，但系加左$22 配薯格同汽水就令到个份量基本上女仔系食唔哂。而汉堡包入面嘅黑松露酱比得好多，而和牛嘅肉汁同酱系十分夹，加上包嘅最下层放左豆苗，令到个包食得黎有少少蔬平衡番，感觉好新奇。BBQ 经典牛堡 ($80) + $22我自己就拣左BBQ牛堡，因为我系十分钟意食汉堡包配BBQ酱。今次呢个包份量好够，完全满足肉食兽嘅欲望，薯条系粗身个款，而份量都比得好多，最后都系食唔哂。