薩莉亞意式餐廳 (已搬遷) 新店位置

先前见到Openrice既食评，见佢大件夹抵食，岩哂我地呢D草根阶层的人去拆番餐。去到有好多人等位，跟住等左20分钟后，就轮到我地可以入去食。打开menu，款式都算多。我地就点左烟三文鱼沙律，蒜蓉焗田螺，铁板蚬，水牛芝士Pizza，仲有肉酱焗饭。首先黎的就系烟三文鱼沙律，只有呢个唔算抵食，因为烟三文鱼只得4块。如果再比我简，我一定会简食甜虾沙律。然后就一次过黎左3样，蒜蓉焗田螺，水牛芝士Pizza，肉酱焗饭。首先蒜蓉焗田螺一般般，只因为佢的蒜蓉，真系冇乜味，所以差dd..跟住就水牛芝士Pizza，的确唔错！但切果阵比较吃力，因为个底有d硬。到左我最想食既肉酱焗饭都试左，果然冇令我失望，真系好好味。呢个系我暂时食过咁多焗饭之中最好食的一碗。虽然唔大碟，但D酱再配合D饭，好Creamy！如果我空肚，我一定叫三碗食哂佢。最后就黎左铁板蚬，味道几好，但我觉得黑椒味大抢味。而且食到最后仲食到有少少沙，大减分。总括黎讲，都几好，下次会再埋一班朋友上去食。