牛一 (元朗廣場) (已結業)

闲日去食唔洗等位，环境宽敞舒适，两个人好彩有卡位坐，非常阔落，冷气够唔会焗，同其他枱有一段距离。叫左安格斯牛餐，会员$188加一，都系个半钟，所以都系会有啲赶，汤底叫咗寿喜烧，会跟两只日本鸡蛋，我通常都系会拎走😂坐低1分钟之内店员就会先拎几碟牛猪鸡肉过黎，等你悭返啲时间酱料种类多，有少见啲嘅黑蒜油，芝麻酱。三款肉类嘅质素都唔错，新鲜爽滑。个人觉得豚肉配寿喜烧𠮶种甜真系好正👍🏻牛一应该都系我食过打边炉入面点餐黎得最齐最快嘅一间，基本上叫完之后几分钟一定会到，唔会漏单，所以唔好好似食其他打边炉咁样叫20碟肥牛，因为佢真系会黎20碟，我见过，我真系见过。同埋佢就算叫到第二三轮，肉类嘅质素都唔会差太远。配料来讲就真系好少，少量丸，鱼皮，豆卜等。即系逼人食牛姐🤡菜就算多款，同埋都新鲜。饮品种类一样都唔算多。最后整返杯乳酪雪糕，无咩乳酪味，当佢普通雪糕咁样食就OK 㗎啦😂同埋定期会有一款特别口味，今次系我唔食嘅香芋味，之前食过绿茶同埋芝麻都好正🤤整体环境，服务，食物质素都可以，如果时间可以两个钟就非常好。