肥哥車仔麵

营业中

休息中

肥哥车仔面深水埗区数一数二好食既车仔面环境普通，坐系街边，价钱都偏贵。但系食材同个辣汁绝对值回票价!今次叫左猪手牛腩萝卜油面 中辣猪肠 鲜牛 幼面 微辣猪手唔会太淋，淋到一夹就散。而系有咬口，有好香既酱香味!牛腩偏碎，唔系坊间既大大旧，老细话系新鲜牛腩，所以就算碎都可以接受。牛腩入味，有好香既卤水味。萝卜大推! 萝卜大大旧，系炆到淋身果种，有时会食到有渣，应该批皮批得唔够深。本身炆到好入味，配埋辣汁真系好好食。猪肠猪肠冇异味， 肥瘦适中，卤水味好香! 必叫灼鲜牛牛肉新鲜，有肉味！净系呢样已经足够，唔洗过多既调味辣汁好辣，如果食唔到辣既都系叫微辣，食到既一定最起码要小辣! 辣汁唔系死辣，就咁睇见到有有姜、洋葱、辣椒、蒜等等香料，辣酱好香越食越上瘾!唔知系咪辣汁有时捞唔匀，如果点微辣或者小辣有机会得辣味，冇香味。 基本上中辣就好少呢个问题。总结个辣汁同𩠌绝对值得一试再试，可以话系全港数一数二既车仔面。但面底水准参差，油面 幼面就正常。但河粉好多时候渌到碎晒，夹唔起。佢既公仔面都唔系出前一丁、公仔面或者大光面呢款质地，而系更加幼身，本人就麻麻呢款面底。