影片
更多
2025-01-01
497 浏览
冬天除咗打边炉，最好就系食煲，尤其系少少辣嘅新加坡胡椒蟹煲。听讲铜锣湾嘅”张公馆”系出名食胡椒蟹煲，就专程嚟试吓。嚟到就觉得系高级中菜馆嘅格局，甚至可以望到维港景色。而呢度嘅服务员都好周到，除咗帮手斟茶仲会定时换碟。另外佢嘅茶选择好丰富，连龙井都有，啱晒我茶先生。新加坡胡椒蟹爪粉丝煲 $268因为佢系蟹爪，而唔系原只蟹，所以价钱真系好平，但味道同样出色，份量相当多，而且好有新加坡当地风味。注意呢度菜系有啲辣，但啱晒冬天食。羊肚菌松茸竹笙花菇炖汤 $98睇名已经知一定好饮，味道远在平时饮到嘅鸡汤之上。其中一个功劳系佢炖嘅时间够耐，羊肚菌同松茸都已经好腍。香炸虾枣 $108类似炸虾球，入边仲酿咗啲芫荽，点埋佢嘅甜酸酱，系好滋味嘅小食。猪油渣大地鱼粒炒菜心苗 $188好奇特嘅蔬菜煮法。菜心嘅味道主要靠大地鱼粒调出嚟，大地鱼粒明显炸过，好香口。同样嘅味道同口感亦喺金黄色嘅猪油渣度揾到，明显呢道菜系想尽量将油香依附喺菜心之上。作为高档中菜，佢嘅价钱合理，菜式煮法特别，足够惹味又有传统，难怪我哋食到七点已经坐满人，仲有人排队！
嚟到就觉得系高级中菜馆嘅格局，甚至可以望到维港景色。而呢度嘅服务员都好周到，除咗帮手斟茶仲会定时换碟。另外佢嘅茶选择好丰富，连龙井都有，啱晒我茶先生。
新加坡胡椒蟹爪粉丝煲 $268
因为佢系蟹爪，而唔系原只蟹，所以价钱真系好平，但味道同样出色，份量相当多，而且好有新加坡当地风味。注意呢度菜系有啲辣，但啱晒冬天食。
羊肚菌松茸竹笙花菇炖汤 $98
睇名已经知一定好饮，味道远在平时饮到嘅鸡汤之上。其中一个功劳系佢炖嘅时间够耐，羊肚菌同松茸都已经好腍。
香炸虾枣 $108
类似炸虾球，入边仲酿咗啲芫荽，点埋佢嘅甜酸酱，系好滋味嘅小食。
猪油渣大地鱼粒炒菜心苗 $188
好奇特嘅蔬菜煮法。菜心嘅味道主要靠大地鱼粒调出嚟，大地鱼粒明显炸过，好香口。同样嘅味道同口感亦喺金黄色嘅猪油渣度揾到，明显呢道菜系想尽量将油香依附喺菜心之上。
作为高档中菜，佢嘅价钱合理，菜式煮法特别，足够惹味又有传统，难怪我哋食到七点已经坐满人，仲有人排队！
张贴
